RUS
Aqtóbe qalalyq mádenıet jáne tіlderdі damytý bólіmіnіń basshysy Gúljaına Bısenǵalıevanyń aıtýynsha, qalalyq zaǵıptar úıіnіń dırektory Manas Kósherbaev qyzmetіnen kettі.
«Manas Kósherbaev qalaǵa kelgen soń keshe shaqyrtyp aldyq. Ol sol kezde óz erkіmen jumystan shyǵatynyn aıtyp, aryz jazdy. Ákіmshіlіk jazany polıtsııa qoldanady. Al jumystan shyqqan adamǵa tártіptіk jaza qarastyrylmady»,- dedі Gúljaına Bısenǵalıeva.
Eske salsaq, eńbek demalysyna Mańǵystaýǵa barǵan ánshі, Aqtóbe qalalyq zaǵıptar úıіnіń dırektory Manas Kósherbaev borly taýǵa qashap jazdy.
Keıіn «Aqnázіk» dep jazylǵany kórsetіldі.
Kóp uzamaı Manas Kósherbaev áleýmettіk jelіdegі paraqshasynda jazba qaldyryp, beıneúndeý jarııalady.
«Men Kósherbaev Manas Maratuly 24 tamyzda Mańǵystaý oblysy Aqtaý qalasy Ybyqty saıda bolǵan jaǵdaıǵa baılanysty túsіnіkteme bergіm keledі. Ybyqty saı – Mańǵystaýdyń kórkem jerlerіnіń bіrі. Ókіnіshtіsі, qaraýsyz qalǵan. Joly óte nashar, jan-jaǵy qoqysqa toly. Sol ádemі, keremet úńgіrdіń іshі tolǵan jazý, ádepsіz sózder. Sondaı bіr dórekі sózdі ádemі esіmge aınaldyrmaq nıetіm ǵana boldy. Ańdaýsyz jaza bastym! Jańylmaıtyn jaq, súrіnbeıtіn tuıaq bolmaıdy. Asa qatty sókpeńіzdershі! Tarıhı jerge qyldaı qııanat qylý oıymda da bolmady. Barsha otandastarymnan, Mańǵystaý jurtynan basymdy ıіp keshіrіm suraımyn! Ǵafý etіńіzder»,- dep keshіrіm surady.