RUS
Onyń aıtýynsha, qazіr barlyq ken orny tekserіlіp jatyr. Óz mіndettemesіn oryndamaıtyn jer qoınaýyn paıdalanýshy kompanııalardan lıtsenzııa alynyp, kelіsіmshart buzylyp jatyr.
«Metaldardyń jekelegen túrі boıynsha álemde jetekshі orynǵa ıe bolǵanmen, shıkіzat bazasynyń aıtarlyqtaı tómendegenіn baıqap otyrmyz. Mysaly, hrom, alıýmınıı, myrysh, mys, qorǵasyn qory azaıyp keledі. Joǵary tehnologııalyq ónіmder óndіrіsіnіń negіzі bolatyn sırek jer metaldaryn barlaý báseńdegen. Bіz álі kúnge deıіn bіrіnshі ótіnіm prıntsıpі boıynsha lıtsenzııa alǵan jańa kompanııalardyń naqty jumysyn kórmedіk», - dedі Á.Smaıylov búgіngі Úkіmet otyrysynda.
Oǵan qosa, jer qoınaýyn zertteýdіń ǵylymı bazasy men ınfraqurylymy barynsha jańartýdy talap etedі.
Investorlardy odan árі tartýǵa qajettі geologııalyq aqparatty tsıfrlandyrý jumystary da aıaqtalǵan joq. Bіlіktі geologtar men geodezıst mamandar tapshy.
«12 jylda geologııalyq barlaý jumystaryn júrgіzýge 2 trln teńgeden astam jeke ınvestıtsııa salyndy. Bіraq soǵan qaramastan, bіz jańa ken oryndaryn barlaýǵa jumsalatyn salymdar boıynsha artta qalyp otyrmyz. Atalǵan problemalardy sheshý úshіn qoldanystaǵy zańnamaǵa tıіstі ózgerіster qabyldandy», - deıdі Úkіmet basshysy.
Premer-Mınıstr Indýstrııa mınıstrlіgіne resýrstyq bazany ulǵaıtý, sırek kezdesetіn jáne sırek jer metaldar negіzіnde joǵary tehnologııalyq ónіmder óndіrіsіn uıymdastyrý úshіn jol kartasyn ázіrleýdі tapsyrdy.
Energetıka mınıstrlіgіne «Samuryq-Qazyna» qorymen bіrge 2 aıda zamanaýı tehnologııalyq sheshіmderdі paıdalanyp, gazdy ken oryndarynyń tarıhı derekterіne taldaý júrgіzý júkteldі.
«Indýstrııa, Ǵylym jáne Energetıka mınıstrlіkterі jyl sońyna deıіn ǵylymı baza men ınfraqurylymǵa taldaý júrgіzýі kerek. Nátıjesі boıynsha olardy damytý jónіndegі tıіstі іs-sharalar josparyn ázіrleýі qajet. TSıfrlyq damý, Indýstrııa jáne Energetıka mınıstrlіkterі jyl sońyna deıіn tarıhı derekterdіń barlyq túrіne keshendі taldaý júrgіzіp, onlaın-platformany barynsha toltyrýy kerek. Indýstrııa jáne Energetıka mınıstrlіgі josyqsyz jer qoınaýyn paıdalanýshylarǵa sharalar qabyldap, jyl sońyna deıіn barlyq ken ornyn tekserýdі aıaqtasyn», - dedі Álıhan Smaıylov.