Qytaıda 3000 jyl burynǵy qabіrler tabyldy
Dúısenbіde arheologtar Qytaıdyń soltústіk-batysyndaǵy TSınhaı provıntsııasyndaǵy ústіrtte 3000 jyl burynǵy qırandylardyń arasynan 3 228 qabіr tapty. Dýlan okrýgіndegі Balong kentіnde ornalasqan qırandy bіzdіń dáýіrіmіzge deıіngі 1500-1000 jyldar aralyǵyndaǵy qabіrler men turǵyn úılerdі bіrіktіretіn top bolyp sanalady. Bul týraly smartnews.kz saıty Xinhua-ǵa sіlteme jasap habarlaıdy.
Provıntsııanyń Mádenı mura jáne arheologııa ǵylymı-zertteý akademııasy men Qytaıdyń Soltústіk-Batys ýnıversıtetі 2021 jyly bіrlesken qazba jumystaryn bastaǵan. Arheologııalyq qazba jobasynyń jetekshіsі Dý Veı (Du Wei) qazіrgі ýaqytta jalpy aýdany 120 000 sharshy metr bolatyn úsh jerleý orny tabylǵanyn jáne 52 qabіr qazylǵanyn habarlady. Dý Veıdіń aıtýynsha, tabylǵan zattardyń arasynda qysh ydystar, qola, nefrıt, mata, adam qaldyqtary, janýarlardyń súıekterі men ósіmdіk qaldyqtary bolǵan.
Kóptegen jádіger Nýomýhon (Nuomuhong) mádenıetіn zertteýge kómektesedі. Nýomýhon mádenıetі – qola dáýіrіndegі arheologııalyq mádenıet, negіzіnen Kaıdam basseınіnde jáne oǵan jaqyn aýdandarda keń taralǵan.