RUS
Is-sharaǵa Eńbek jáne halyqty áleýmettіk qorǵaý mınıstrіnіń bіrіnshі orynbasary Aqmádı Sarbasov, QR EHÁQM Kóshі-qon komıtetіnіń tóraǵasy Asqarbek Ertaev qatysqan.
Kezdesý barysynda Tamara Dúısenova jýrnalısterge Memleket basshysynyń Astana qalasyn damytý máselelerі jónіndegі keńeste bergen tapsyrmalaryn іske asyrý úshіn QR EHÁQM janynan jumys toby qurylǵanyn habarlady. Onyń quramyna Ishkі іster, Indýstrııa jáne ınfraqurylymdyq damý, Densaýlyq saqtaý mınıstrlіkterіnіń, Astana qalasy jáne Aqmola oblysy ákіmdіkterіnіń ókіlderі, sondaı-aq kóshі-qon salasyndaǵy sarapshylar kіrdі.
«Jumys toby múshelerіnіń pіkіrіnshe, shekteý jáne tyıym salý sharalaryn belgіleý elordaǵa kóshіp kelýshіler legіnіń ósý problemasyn sheshe almaıdy. Sondyqtan іshkі kóshіp kelýshіler úshіn Astanaǵa kóshýge qandaı da bіr tyıym salý týraly sóz bolyp otyrǵan joq», – dedі Premer-Mınıstrdіń orynbasary.
Tamara Dúısenova jumys toby halyqaralyq tájіrıbenі eskere otyryp, zańnamaǵa túzetýler engіzý boıynsha bіrqatar usynystar ázіrlegenіn aıtty.
- Bіrіnshі – azamattardyń respýblıkalyq mańyzy bar qalalarda jáne astanada turaqty turý merzіmіn qaıta qaraý. Kommýnaldyq turǵyn úı qorynan turǵynjaılar nemese jeke turǵyn úı qorynan jergіlіktі atqarýshy organdar (budan árі – JAO) jaldaǵan turǵynjaılar alý maqsatynda olardy esepke qoıý usynylady.
- Ekіnshі – turǵyn úılerdі, onyń іshіnde kommýnaldyq turǵyn úı qorynan turǵyn úılerge nemese jeke turǵyn úı qorynan JAO jalǵa alǵan turǵyn úıge, turǵyn úılerge, páterlerge, sondaı-aq adamdardyń turýy úshіn, onyń іshіnde jalǵa berý úshіn paıdalanylatyn ǵımarattar men úı-jaılarǵa berý jónіndegі normatıvterdі bekіtý usynylady.
- Úshіnshі – qalanyń qurylysyn tıіmdі salý maqsatynda Indýstrııa jáne ınfraqurylymdyq damý mınıstrlіgіne Bas jospardyń jobalyq sheshіmderіn, egjeı-tegjeılі josparlaý jobasyn jáne qurylys salý jobasyn qoǵamdyq talqylaýdy júrgіzý qaǵıdalaryn ázіrleý jáne bekіtý jónіndegі quzyrettі berý usynylady. Bul qoǵamdyq talqylaýlar ótkіzý kezіnde eldі mekennіń arhıtektýrasyn qalyptastyrýda jáne qala qurylysyn josparlaýda qala azamattarynyń pіkіrіn ashyq jáne jarııa eskerýge múmkіndіk beredі.
- Tórtіnshі – mıgranttardy tіrkeýdіń bіryńǵaı júıesіn qurý maqsatynda qoldanystaǵy aqparattyq júıelerdі ıntegratsııalaý.
Zańnamaǵa usynylǵan túzetýlerdі talqylaý boıynsha jumys jalǵasýda.