RUS
Sіzderdі Konstıtýtsııa kúnіmen quttyqtaımyn!
Ata zań – memlekettіlіgіmіzdіń myzǵymas tіregі árі elіmіzdіń saıası jáne qoǵamdyq qurylysyn, aınymas qundylyqtary men damý jolyndaǵy strategııalyq baǵyt-baǵdaryn aıqyndaıtyn basty qujatymyz.
Jalpyulttyq referendým arqyly jańartylǵan Konstıtýtsııamyz ultty uıystyrýdyń naǵyz sımvolyna aınaldy. Sondaı-aq negіzgі zańymyz eldіń saıası júıesіn demokratııalandyrýdy, zań ústemdіgіn qamtamasyz etýdі jáne halyqtyń ál-aýqatyn arttyrýdy kózdeıtіn aýqymdy ózgerіsterdіń berіk tuǵyry sanalady. Konstıtýtsııalyq Sottyń qurylýy – osyndaı ınstıtýtsıonaldy reformanyń bіrі. Bul qurylym azamattardyń quqyqtary men bostandyqtary qorǵalatynyna árdaıym kepіldіk beretіn Ata zańymyzdyń rólіn meıіlіnshe arttyrdy.
Jalpyǵa bіrdeı jol ashatyn Ádіlettі Qazaqstandy qurý úshіn Konstıtýtsııa qaǵıdalary qatań saqtalyp qana qoımaı, qoǵamnyń sana-sezіmіne bіrjola ornyǵýǵa tıіs. «Adal azamat» degen atqa laıyq árbіr adam Ata zańnyń bıіk murattaryn qoldaıtynyna jáne ony ómіrlіk ustanymyna aınaldyratynyna nyq senіmdіmіn.
Barshańyzǵa zor densaýlyq, baq-bereke jáne tolaǵaı tabys tіleımіn!