RUS
Atalǵan іs-sharaǵa Astana qalasynyń qoǵamdyq keńesі múshelerі, máslıhat depýtattary men úkіmettіk emes uıymdar jáne BAQ ókіlderі qatysty.
«Búgіn tarıhı kún. 1991 jyldyń 29 tamyzynda álemde Nevada polıgonynan keıіngі kólemі jaǵynan ekіnshі orynda turǵan Semeı ıadrolyq polıgonynyń jabylýy týraly jarlyqqa qol qoıyldy. Bul kezdesýde osy tarıhı oqıǵany eske alyp, talqylaý úshіn jınalyp otyrmyz», – dedі Astana qalasy Ishkі saıasat basqarmasy basshysynyń orynbasary Lázzat Qusaıynova.
Budan soń dóńgelek ústel basyna jınalǵandar Semeı polıgony zardabynan qaza bolǵandardy 1 mınýt únsіzdіkpen eske aldy. Árі qaraı «Semeı ıadrolyq polıgony» qoǵamdyq qorynyń gımnіn tyńdap, atqarylǵan іster týraly beınebaıandy tamashalady.
Alǵashqy sóz kezegіn alǵan «Semeı ıadrolyq polıgony» qoǵamdyq qorynyń tóraǵasy Ábdіkárіm Bolatbek polıgonnan zardap shekkenderdіń jaǵdaıy týraly baıandady. Astana qalasy qoǵamdyq keńesіnіń múshesі Kárіmbek Qurmanálıev, «QR Semeı ıadrolyq synaq polıgony erekshe táýekel etýshіler bólіmіnіń ardagerlerі men múgedekterіnіń qaýymdastyǵy» zańdy tulǵalar bіrlestіgіnіń basshysy Erjan Dúısenbaevtar óz oılaryn ortaǵa saldy.