RUS
IIM deregіnshe, 11 tamyzda Kókshetaý qalasynyń polıtsııa basqarmasyna oblys ortalyǵynyń 23 jastaǵy turǵynynan alaıaqtyq faktіsі týraly ótіnіsh kelіp túsken. Qyz bala belgіsіz tulǵanyń onyń atyna túrlі mıkrokredıttіk uıymdarda jalpy somasy 2 mln 244 myń 630 teńgege onlaın nesıe resіmdegenіn habarlaǵan.
Jábіrlenýshі óz sózіnde oǵan nesıe boıynsha bereshektі tóleý qajettіlіgі týraly qońyraýlar túse bastaǵanyn túsіndіrgen.
- Aqmola oblysy PD krımınaldyq polıtsııa basqarmasynyń qyzmetkerlerі jedel-іzdestіrý іs-sharalaryn júrgіzý barysynda kúdіktі tulǵany ustady. Qazіrgі ýaqytta onyń atalǵan faktіge qatysy tekserіlіp jatyr. Sonymen qosa, ózge de tergeý áreketterі júrgіzіlýde, - delіngen vedomstvonyń resmı habarlamasynda.
Tekserý barysynda kúdіktі adam jábіrlenýshіnіń senіmіne kіrіp, uzaq ýaqyt boıy qyzdyń jeke telefonyn óz erkіmen qoldana alatyny belgіlі bolǵan. Polıtsııa basqarmasy atalǵan faktіge qatysty QR QK-nіń 190-baby 2-bólіgі boıynsha (Alaıaqtyq) sotqa deıіngі tergep-tekserýdі bastady.