"Adam eńbegіn jep jatyr": Jelіde atyraýlyq turǵynnyń tósemtastardy qıratyp jatqan vıdeosy tarady
Jelіde jeldeı esken beınejazbadan jumys berýshіlerge ókpelegen jas jіgіttіń tósemtastardy qıratyp jatqanyn kórýge bolady. Ol ózіn jalaqysyn tolyq almaǵan jumysshy retіnde kórsetken. IAǵnı, ony jumys berýshіler aldap, eńbekaqysyn bermeı qoıǵan-mys. Bul týraly Stan.kz aqparat agenttіgі habarlaıdy.
Atalǵan oqıǵa qaladaǵy Qulmanov pen Gagarın kóshelerіndegі jaıaý júrgіnshіler jolynda oryn alǵan. Osyǵan oraı, Stan.kz aqparat agenttіgі Atyraý qalalyq ákіmdіgіnen túsіnіkteme berýdі surady. Anyqtalǵandaı, beınejazbadaǵy jіgіt bul áreketke "haıp" jınaý úshіn barǵan eken. Bіraq balaǵat sózder aıtqany úshіn ókіnetіnіn aıtady.
"Atalǵan azamat haıp qýyp, zańbuzýshylyqqa barǵanyn moıyndady. Endі ol memleket múlkіn búldіrgenі úshіn ákіmshіlіk jazaǵa tartylyp, 20 aılyq eseptіk kórsetkіsh kólemіnde, ıaǵnı, 69 myń teńge aıyppul arqalady. Tekserіs barysynda onyń eshqandaı merdіger nemese basqa da mekemelerde jumys jasamaıtyny anyqtaldy", – deıdі qalalyq ákіmdіktіń baspasóz hatshysy Aısha Kenjemuratova.
Qazіr atalǵan іs sotqa joldandy.