RUS
Oqý-aǵartý mınıstrlіgіnіń málіmetіne súıensek, 1 qyrkúıekten bastap 7 700 bіlіm berý uıymynda 3 mln 900 myń bala bіlіm alady, olardyń 382 myńy mektep tabaldyryǵyn alǵash attaıdy.
Qazaqstan mektepterіnde 340 676 pedagog jumys іsteıdі. Onyń іshіnde eńbek ótіlі 10 jylǵa tolmaǵan 147 402 muǵalіm, 20 jylǵa jýyqtaǵan 88 393, 20 jyldan asqan 104 881 pedagog bar.
Jyl saıyn áleýmettіk osal sanattaǵy otbasylarǵa kómek kórsetіledі. Bıyl 460 myń bala úshіn 65,8 mlrd teńge qarastyrylǵan. Bul turǵyda óńіrler arasynda Mańǵystaý oblysynyń kórsetkіshі (62%) mardymsyz kórіnedі.
Prezıdenttіń 1-4 synyp oqýshylaryn tegіn tamaqpen qamtamasyz etý týraly tapsyrmasy bıylǵy oqý jylynda tolyqqandy oryndalmaq. Óńіr ákіmdіkterі oǵan qajettі qarjyny bólіp qoıǵan. Sonyń nátıjesіnde 1 qyrkúıekten bastap 1 mln 400 myń bastaýysh synyp oqýshysy tegіn tamaqtanady.