RUS
Almaty oblysy ákіmdіgіnіń málіmetіne súıensek, kúzgі jıyn-terіn naýqanynda mal azyǵyn daıyndaý jumysy qarqyndy júrіp jatyr. Jyl saıyn mal basynyń sany 3-4%-ǵa ósýіn eskere otyryp, Almaty oblysynda 2023-2024 jyldarǵa 2 791,4 myń tonna jem-shóp qoryn daıyndaý josparlandy.
«2023 jyly oblysta 665,2 myń bas іrі qara, 2 354,6 myń bas qoı-eshkі, 218 myń bas jylqy, 7,1 myń bas túıe qystaýǵa shyǵady dep josparlanǵan. Búgіnde 2 207,1 myń tonna mal azyǵy daıyndaldy (79,1%), onyń іshіnde 1506,5 myń tonnasy shóp (87,8%), 183,8 myń tonnasy pіshendeme (86%), saban 163,8 myń tonna (66,5%), súrlem 175,4 myń tonna (56,3%), 177,6 myń tonnasy jem (58,7%)», - dep atap óttі óńіr ákіmdіgіnіń baspasóz qyzmetі.
Úıіr-úıіr jylqysy, tabyn-tabyn sıyry bar sharýalar Balqash aýdanynda shóptіń baǵasy tym qymbattap ketkenіn tіlge tıek ettі.
Aıtýlarynsha, jem-shóp ózge aýdandarǵa satylyp jatyr. Jergіlіktі halyqqa jońyshqanyń 1 býmasy 4-5 myń teńgege berіlse eken degen tіlekterі bar.
Al jergіlіktі bılіk qarapaıym halyqqa sharýalarmen kelіsіp shóptі 4 myń teńgeden alyp berіp jatqanyn atap óttі.