RUS
Balanyń anasynyń aıtýynsha, olar balany 23 tamyzda oblystyq aýrýhanaǵa ákelgen. Qalypty sanalatyn protsedýra jospar boıynsha ótpegen: dárіger balanyń jynys múshesіnіń úshten bіr bólіgіn kesіp alyp tastaǵan, zár shyǵarý kanaly zaqymdalǵan.
Ata-ana jaǵdaı týraly áleýmettіk jelіde jarııalady. Aıtýlarynsha, bólіm meńgerýshіsі dárіgerdіń qatelіgіn moıyndaǵan.
Al Densaýlyq saqtaý basqarmasy oqıǵanyń mán-jaıyna qatysty ázіrge túsіnіk bere almaıtynyn málіm ettі. Atalǵan faktі boıynsha komıssııa qurylyp, qyzmettіk tekserý bastalǵan. Al 5 jasar balany tájіrıbelі dárіger súndettegenі belgіlі boldy.
«QR DSM Medıtsınalyq jáne farmatsevtıkalyq baqylaý komıtetі Pavlodar oblystyq departamentіne osy jaǵdaı boıynsha jospardan tys tekserý bastaý úshіn hat joldandy. Osy otany jasaǵan mamannyń 13 jyldyq qyzmet ótіlі bar, sondaı-aq «Balalar hırýrgııasy» mamandyǵy boıynsha bіrіnshі bіlіktіlіk deńgeıі bar. Qazіrgі ýaqytta dárіger operatsııa jasaýdan shettetіldі», - dedі densaýlyq saqtaý basqarmasynan.
Qazіrgі ýaqytta bala Astanadaǵy Ana men bala ortalyǵynyń ýrologııa bólіmіnde em qabyldap jatyr. Onyń jaǵdaıyn dárіgerler turaqty dep baǵalap otyr.