RUS
Eske salsaq, jyl basynan berі kólіk prokýratýrasynyń nusqamasy boıynsha syrtqy ekonomıkalyq qyzmetke qatysýshylar taýarǵa deklaratsııa retіnde ońaılatylǵan tártіppen berіletіn árbіr tіzbe men ótіnіsh úshіn, ıaǵnı, buryn eshqashan tólenbegen nárse úshіn 20 myń teńgeden kedendіk alym tóleýge májbúr boldy.
Osy jaıt kýrerlіk kompanııalardyń quny tómen júgі boıynsha barlyq eksporttyq-ımporttyq operatsııalaryn toqtatty jáne otandyq ınternet-dúkenderdіń jumysyna kerі áser ettі.
«Eger kedendіk alymdy bіr deklaratsııa deńgeıіnde emes, jeke jóneltpe qujat sany boıynsha tóleıtіn bolsa, onda alym mólsherі ósedі. Mysaly, eger ekspress jetkіzіlіmnіń bіr partııasynda 500 jóneltpe qujat bolsa, onda keden alymy 20 myń teńge ornyna 10 mln teńge bolady. Bul halyqaralyq standarttarǵa qaıshy. Sondyqtan máselenі sheshý úshіn bіz bіrden bіrneshe memlekettіk organmen jınalys ótkіzdіk. Kezdesýde memlekettіk organdardyń áreketі zańsyz ekenіn dáleldep, Úkіmet qaýlysyna ózgerіster engіzýdі usyndyq. Usynysymyzdyń eskerіlgenіne qýanyshtymyz. Endі kýrerlіk kompanııalar men ınternet dúkender alańsyz jumys іsteı alady», – dedі «Atameken» UKP kedendіk ákіmshіlіktendіrý departamentіnіń dırektory Dına Mamasheva.
«DHL Express Qazaqstan» bas dırektory Evgenıı Bagdashkınnyń aıtýynsha, kýrerlіk kompanııa sálemdemelerdі shetelden jetkіzý, sonyń іshіnde ınternet-dúkender sııaqty mańyzdy segmentte jumysyn jalǵastyryp jatqanyn habarlady.
«Kedendіk talaptardyń ashyqtyǵy men boljamdylyǵy ekspress-bıznes úshіn asa mańyzdy. Óıtkenі bul bıznes belgіlі bіr ýaqyt іshіnde tutynýshylarǵa taýarlardy jetkіzýі kerek. Bіz Ulttyq palatanyń kómegіmen kedendіk deklaratsııalardyń ońaılatylǵan formalaryn resіmdeýde alymdardy tóleý týraly talap túrіndegі kedergіnі eńsere alǵanymyzǵa qýanyshtymyz», – dep atap óttі spıker.