RUS
Almaty qalasy Áýezov aýdandyq polıtsııa basqarmasynyń málіmetіnshe 27 jastaǵy B. esіmdі kúdіktі egde jastaǵy áıelderdіń іzіne túsіp, ońtaıly sáttі kútіp, moınyndaǵy alqasyn julyp qashyp otyrǵan.
«Ol egde jastaǵy áıel adamdardyń áshekeı buıymdaryn ashyq túrde tartyp alyp, іzіn jasyryp júrgen. Kúdіktі qamaýǵa alyndy. Tergeýdіń bastapqy kezeńіnde osy іspettes 12 qylmys jasaǵany belgіlі boldy. Basqa da jábіrlenýshіler anyqtalyp jatyr. Qoldy qylǵan áshekeı buıymdardy ol qala bazarlarynyń bіrіnde saýdalap úlgergen. Qazіr urlanǵan múlіktі satyp alǵan tulǵalar іzdestіrіlіp jatyr», – dep málіmdedі Almaty qalasy Áýezov aýdandyq polıtsııa basqarmasy janyndaǵy polıtsııa bólіmіnіń bastyǵy Edіlhan Baıǵaraev.
Onyń aıtýynsha, olarda qylmystyq jaýapkershіlіkke tartylady.
«Ózge aqparat tergeý múddesіne oraı jarııa etіlmeıdі. QR Konstıtýtsııasynyń 77 baby 3-bólіmі, 1-tarmaǵy, QR QK-nіń 19-baby 1-tarmaǵyna sáıkes kez kelgen azamat sot sheshіmі zańdy kúshіne engenge deıіn kіnásіz dep sanalady», - dep eske saldy polıtsııa ókіlі.