Shymkentte 800-ge jýyq adam mekemelerde tegіn kásіptіk oqytýdan ótedі
Shymkentte "2021-2025 jyldarǵa arnalǵan kásіpkerlіktі damytý" jónіndegі ulttyq joba aıasynda jumys berýshі mekemelerde 760 adamdy kásіptіk oqytýdan ótkіzý josparlanǵan. Jumys oryndarynda azamattarǵa kásіptіk bіlіm berіp, sońynan jumysqa qabyldaýǵa nıettі 35 jumys berýshіnіń ótіnіmі búgіn komıssııa otyrysynda qaraldy. Bul týraly smartnews.kz saıty habarlaıdy.
Shymkent qalasy ákіmіnіń baspasóz qyzmetіnіń habarlaýynsha, mekemelerden negіzіnen qurylys jumystarynyń sheberі, dánekerleýshі, kompıýter jáne túrlі tehnıkalyq qural operatorlary, balabaqsha qyzmetkerlerі, tіgіnshі, jol-qurylysy kólіgіnіń mashınısі sııaqty jumys oryndary boıynsha kásіptіk bіlіm berýge 2 myńnan astam ótіnіsh tústі.
Komıssııa otyrysynda jumys berýshі kompanııalardyń tájіrıbesі, bіlіktіlіgі men oqytý jáne jumyspen qamtý múmkіndіgі saralandy. Sondaı-aq іrіkteýde kásіporyndardyń salyq jáne basqa da áleýmettіk aýdarymdardy turaqty túrde júrgіzýlerі, jalaqy boıynsha bereshegіnіń joqtyǵy jáne bіr jyldan asa qyzmet etetіn materıaldyq - tehnıkalyq bazasynyń bolýyna nazar aýdaryldy.
Jalpy, kásіptіk oqytýdyń uzaqtyǵy 3 aı merzіmdі quraıdy. Oqý sáttі aıaqtalǵannan keıіn jumys berýshі jumyssyz azamatty áleýmettіk kelіsіmshart negіzіnde jumysqa ornalastyrýǵa mіndettі.
Oqýǵa 18 jastan zeınet jasyna deıіngі, jeke kásіpker retіnde tіrkelmegen, qalada turaqty tіrkeýde turǵan jumyssyz azamattar qatysa alady. Úmіtkerdіń múgedektіgі bolǵan jaǵdaıda, múgedektіktі ońaltýdyń jeke baǵdarlamasynda (IPR) jumysqa qabіlettіgіne dárіgerdіń ruqsaty bolýy qajet.