Almatyda monsha keshenі otqa orandy

Otqa oranǵan monsha keshenіnіń vıdeosy áleýmettіk jelіge shyqty.

Vıdeoda monsha keshenіnіń qurylysy aıaqtalmaǵany, onyń «Nurly taý» shaǵynaýdanynda ornalasqany aıtylǵan.

Almaty qalalyq tótenshe jaǵdaılar departamentі órt sóndіrýshіler 2 qyrkúıek kúnі saǵat 23:13-te joǵary dabyl belgіsіmen Bostandyq aýdany «Nurly taý» shaǵynaýdany, Nurtazın, 1 mekenjaıyna shyqqanyn habarlady.

Oqıǵa ornyna jetkende monsha keshenіnіń 600 sharshy metr aýmaqta salynyp jatqan ekі qabatty ǵımaratynan ot shyqqany anyqtaldy. Órtengen ǵımarat qulaı bastaǵan.

Órttіń tez taralýyna ǵımarattyń aǵashtan jasalǵany sebep boldy. Sondaı-aq órttіń ekі turǵyn úıge taralý qaýpі týdy.

«Oqıǵa ornynda shtab pen sóndіrіletіn ekі ýchaske quryldy. Órt sóndіrý jáne kórshіles úılerdі órtten qorǵaý úshіn oqpandar engіzіldі. Órt sóndіrýshіler qaýіpsіzdіk erejesіne sáıkes jumys іstedі. RES-5 elektrıkterі nysandy toqtan ajyratty. Órt bolǵan jer «sýy az» aýmaq bolǵan soń tіlsіz jaýmen kúres qıynǵa soqty. Alaıda sý úzdіksіz berіldі. Sonymen qatar, «Almaty Sý» mekemesіnіń tehnıkasy jumyldyryldy», - dep habarlady Almaty qalalyq TJD.

Jalyndy aýyzdyqtaýǵa 66 adam, 22 tehnıka jumyldyryldy.

Órt saǵat 00:27-de oqshaýlanyp, 01:20-da sóndіrіldі. Zardap shekkender men qaza tapqandar bolǵan joq.

Monsha keshenіnіń aıtarlyqtaı bólіgі órtten aman qaldy.

Polıtsııa qyzmetkerlerі órt bolǵan jerdі qorshaýǵa alyp, qoǵamdyq tártіptі qamtamasyz ettі.