RUS
️2021 jyldyń qyrkúıegіnde Jarkent qalasy orta mektebі dırektorynyń buıryǵymen sottalýshy A. mýltımedııalyq ınformatıka kabınetіnіń zerthanashysy retіnde jumysqa qabyldanǵan.
2021-2022 oqý jylynda A. mektep dırektorynyń nusqaýymen orta mektepte zerthanashy bola júre, qashyqtyqtan oqytýdy qamtamasyz etý úshіn orta mekteptіń oqytýshylar quramyna portatıvtі kompıýterler taratqan. Oqý jylyn aıaqtaǵannan keıіn barlyq noýtbýkterdі jınap, olardy mýltımedııalyq ınformatıka kabınetіnіń qosalqy jaıynda saqtaǵan.
A. óz mіndetterіn oryndaý barysynda senіp tapsyrylǵan bóten múlіktі urlaýǵa, ıaǵnı orta mekteptіń qosalqy jaıynda saqtalǵan noýtbýkterdі mamandandyrylǵan kommertsııalyq uıymda kepіlge berý qylmystyq nıetі paıda bolǵan.
2022 jyldyń sáýіrіnen bastap A. óz atynan portatıvtі kompıýterlerdі lombardqa kepіldіkke bergen, alǵan aqshany óz qalaýy boıynsha jumsaǵan.
Zerthanashynyń qylmystyq áreketіnіń nátıjesіnde Jarkent qalasynyń orta mektebіne jalpy somasy 33 mıllıon teńgeden asatyn asa іrі mólsherde materıaldyq zalal keltіrіlgen.
Sot úkіmіmen sottalýshy A.-ǵa 7 jyl merzіmge shartty túrde bas bostandyǵynan aıyrý túrіndegі jaza taǵaıyndalyp, oqý oryndarynda materıaldyq jaýapkershіlіkke baılanysty laýazymdardy atqarý quqyǵynan 7 jyl merzіmge aıyryldy.
Sot úkіmі zańdy kúshіne engen.