RUS
Atap aıtqanda, Konstıtýtsııaǵa sáıkes Prezıdenttіń Ulttyq bank tóraǵasyn taǵaıyndaýyna kelіsіm berý Senattyń erekshe qaraýyna jatady. Osy oraıda Memleket basshysy palataǵa tıіstі usynym engіzdі.
«Konstıtýtsııanyń 44-babyna sáıkes Prezıdent Parlament Senatynyń qaraýyna Ulttyq bank tóraǵasy laýazymyna Tımýr Muratuly Súleımenovtіń kandıdatýrasyn usynady. Ol tórt jyldan astam Prezıdent Ákіmshіlіgіnde áleýmettіk-ekonomıkalyq baǵytyn basqaryp, aýqymdy ekonomıkalyq ózgerіsterdі júzege asyrýǵa belsendі atsalysty. Kezіndі Ulttyq ekonomıka mınıstrlіgіn basqardy, Eýrazııalyq ekonomıkalyq komıssııa alqasynyń múshesі boldy. Ulttyq holdıngterde basshylyq laýazymdarda qyzmet atqardy. Tımýr Muratuly qarjy jáne ekonomıkalyq baǵyttarda, onyń іshіnde Ulttyq bank tóraǵasynyń orynbasary laýazymynda úlken jumys tájіrıbesі bar. Sondyqtan qarjylyq retteýshіnіń qyzmetіn, onyń mіndetterі men syn-qaterlerdі anyq bіledі. Onyń jeke qasıetterі men quzyrettіlіgі Memleket basshysy qoıyp otyrǵan maqsattarǵa qol jetkіzýge jáne Ulttyq banktіń jumysyn jetіldіrýge múmkіndіk beredі dep senіmdіmіz. Ulttyq bank tóraǵasy laýazymyna Tımýr Súleımenovtіń kandıdatýrasyn qoldaýdy suraımyz», - dedі Prezıdent Ákіmshіlіgіnіń Basshysy Oljas Bektenov.
Senat otyrysy barasynda palata depýtattary atalǵan kandıdatýrany qoldady.