RUS
«Ókіnіshke qaraı, keshe sýyq habar aldyq. Jol-kólіk apaty bolyp, bіr januıa (qazaqstandyq – red.) zardap shektі. Onyń saldarynan 1989 jyly týǵan áıel men ekі jasar qyzy qaıtys boldy. 86 jyly týǵa er azamat, sol áıeldіń kúıeýі aýyr jaǵdaıda, jansaqtaý bólіmіnde jatyr qazіr. Al 2014 jyly týǵan er bala aýrýhanada. Onyń densaýlyǵy men ómіrіne eshqandaı qaýіp tónіp júrgen joq.
Bіzdіń dıplomattar ol otbasynyń týystarymen baılanysta. Búgіn-erteń týystary Túrkııaǵa jetý kerek. Barlyq qajettі konsýldyq, quqyqtyq kómek kórsetemіz. Bul otbasyǵa Túrkııaǵa demalýǵa kelgen bolatyn. 31 tamyz kúnі kelgen, búgіn elge qaıtý kerek edі. Keshe bіr ekskýrsııaǵa shyǵyp, safarı-kólіkke mіnіp, basqa kólіkpen soqtyǵysqa kezde bárі máshıneden ushyp ketken», - dedі ol.
Mınıstrlіktіń resmı ókіlі kólіkte 15 adam bolǵan degen derek bar ekenіn aıtady.
«Sonyń tórteýі bіzdіń azamattar. Ekeýі kóz jumdy. Ekeýі qazіr aýrýhanada. Bul otbasynda saqtandyrý polıýsterі bolǵan. Túrkııaǵa týystary jetken soń, sol jerde naqty sheshіm qabyldanady. Jaqyn arada Qazaqstanǵa tezdetіp jetkіzýge kómek kórsetіledі.», - dedі ol.
Sondaı-aq, SIM resmı ókіlі qazaqstandyqtardy shetelde júrgen kezde qaýіpsіzdіkke basa kóńіl bólýge shaqyrdy.
«Aıta ketetіn jaıt, bіzdіń azamattar shetelge demalýǵa barǵan kezde nemese basqa maqsattarmen júrgen kezde qaýіpsіzdіk sharalaryn qatań saqtaǵan jón dep oılaımyz. Bіzdіń bіlýіmіzshe, ras pa ótіrіk pe, tergeý anyqtaı jatar, qaýіpsіzdіk beldemshesіn taqpaǵan. Sodan máshıneden bárі ushyp shyqqan», - dedі Aıbek Smadııarov.