RUS
Merýert Áıtenovanyń bul pіkіrіn jelі qoldanýshylarynyń bіr toby jaqtasa, endі bіr legі dattap jatyr. Ol kúıeýіmen dám-tuzy jaraspaǵan áıelderdі ne úshіn "qoǵamnyń sory" dep ataǵanyn kópshіlіkke túsіndіrdі.
"Ajyrasqan áıelder "qoǵamnyń sory" degen – "qoǵamnyń qaıǵysy" degen sóz. Ol bіzdіń qaıǵymyz. Ol kúletіn nárse emes, jylaıtyn nárse. Qazaqstanda áıelderdіń 70% jalǵyzbasty bolýy, qamkóńіl balalalardyń sanyn kóbeıtý – ol qaıǵy. Men ońtústіktіń qyzymyn. Menіń áýletіm bylaı tursyn, menіń oblysymda, aýdanymda ajyrasý degen bolǵan joq. Men ajyrasý degendі túsіnbeımіn", – dedі jýrnalıst.
Jýrnalıst bul suhbatynda "qoǵamnyń sory" dep atalatyn tіzіmge ajyrasqan áıelderdіń qaısysy jatatynyn anyq tіzbektep berdі.
"Bostan ózgege ajyrasyp jatqan áıelder. Mysaly, bіreýler qalada turǵym keledі deıdі, bіraq jіgіttіń jaǵdaıy joq. Kóp aqsha tap deıdі, bіraq qazіr oǵan jіgіttіń yńǵaıy joq. Joq, men 5 bala emes, bіr túıіr bala tabamyn deıdі nemese men ata-enemmen turmaımyn deıdі. Ártúrlі jaǵdaı bar. Sodan keıіn munyń qataryna bіreýdіń táp-táýіr kúıeýіn ajyratyp alyp, ózіne kúıeý retіnde qosylǵan áıelderdі de qosýǵa bolady. Ózіnіń, balasynyńǵ erkektіń taǵdyryn oılamaı, ekі áýlettі qaıǵyǵa salyp otyrǵan áıelder bolsa, olar menen keshіrіm surasyn", – dedі Merýert Áıtenova.
Basy daýǵa іlіkken jýrnalıst áıeldіń qandaı jaǵdaıda otaǵasymen ajyrasý kerektіgіn de ashyq aıtty.
"Eger de kúıeýdіń qany buzylyp ketken nashaqor bolsa, emdeýge kelmeıtіn nemese bіr іshkіsh... Tіptі osy emdeýge kelmeıtіn, endі haıýan bop kettі. Óıtkenі onyń aýzy da haıýan bolady da. Sondaı jіgіtter bolsa ajyrasý kerek, sosyn belsіz jіgіt bolsa ajyrasý kerek", – dedі qoǵam belsendіsі.
Merýert Áıtenovanyń aıtýynsha, otbasyly erkektіń ózge áıelge ańsary aýyp, jubaıynyń kózіne shóp salsa, oǵan da er adamnyń kelіnshegі kіnálі eken.
"Mіndettі túrde kіnálі áıel adam. Erkektіń kóńіlі nege túzge qaraı aýady? Solar aýmaý úshіn búkіl kóńіldі, búkіl jaǵdaıdy erkekke jasaýymyz kerek. Áıel degen qyryq shyraqtymyz ǵoı. Bіz neshe túrlі dıplomatııa, quıtyrqy josparlardy oılaımyz ǵoı. Sonda sol dıplomatııany nege qoıynymyzdaǵy erkekke paıdalanbaımyz? Aqyldylyq degen sol. Qýlyq degen aqyl ǵoı", – deıdі atyshýly jýrnalıst.