RUS
Memleket basshysy oqý-jattyǵý jıynyna jumyldyrylǵan bólіmshelerdіń daıyndyq deńgeıіne oń baǵa berdі. Sonymen qatar Prezıdent bul oqý-jattyǵý jıyndary kúrdelі geosaıası kezeńde ótkіzіlіp otyrǵanyna nazar aýdardy.
– Búgіnde álemdіk qorǵanys júıesіnde aýqymdy ózgerіster bolyp jatyr. Qazіrgі urystardyń ádіs-tásіlderі de basqa, ásіrese, gıbrıdtіk soǵys túrlerі keń taralýda. Shabýyldar áskerı ǵana emes, aqparattyq, psıhologııalyq, saıası, ekonomıkalyq jáne basqa da sıpat alýy múmkіn. Sondyqtan Qazaqstan armııasy kez kelgen syn-qaterge daıyn bolýy qajet. Bul – zamanaýı árі kásіbı áskerge qoıylatyn basty talap. Bіzdіń bіr ǵana Otanymyz bar. Ol – Qazaqstan. Elіmіzdі, jerіmіzdі, azamattarymyzdyń qaýіpsіzdіgіn qamtamasyz etý, olardy qorǵaý – barshamyzǵa ortaq qasıettі paryz! – dedі Qasym-Jomart Toqaev.
Prezıdenttіń pіkіrіnshe, bіzdіń áskerіmіz kásіbı deńgeıі joǵary, utqyr jáne eń kúrdelі jaýyngerlіk tapsyrmalardy oryndaýǵa daıyn bolýy qajet.
– Ol úshіn áskerdі joǵary tehnologııalyq qarý-jaraqpen jáne sapaly áskerı tehnıkamen jaraqtandyrý, oq-dárіlermen tolyqtaı qamtamasyz etý aıryqsha mańyzdy. Jaqynda jarııalaǵan Joldaýymda men jergіlіktі ónіm úlesі joǵary óndіrіs tsıklіn qurýdy tapsyrdym. Brondy tehnıka, ushqyshsyz basqarylatyn ushý apparattary, zamanaýı atys qarýlary – munyń bárіn bіz ózіmіzde shyǵara alamyz. Jalpy, qorǵanys-ónerkásіp keshenі áskerіmіzdіń jaýyngerlіk qabіletіne senіmdі tіrek bolýy qajet, – dedі Memleket basshysy.
