RUS
QR Qarjy mınıstrlіgі Memlekettіk kіrіster komıtetіnіń málіmetі boıynsha, qazіrdіń ózіnde bereshegі 435 mln teńgenі quraıtyn (kredıttіk bıýronyń málіmetі boıynsha) 309 adam bankrot dep tanyldy.
Atalǵan azamattarǵa 14-14 qyzmetі boıynsha sms-habarlama arqyly sottan tys bankrottyq rásіmіnіń aıaqtalǵany jáne bankrot dep tanylýy týraly habarlama kelіp tústі, sondaı-aq olar týraly aqparat «e-gov» portalynda ornalastyryldy.
Bankrot dep tanylǵan azamattardyń 22-sі memlekettіk ataýly áleýmettіk kómek alýshy bolsa, 232-sі bes jyldan astam nesıe qaryzdaryn óteı almaı júrgender.
Bankrot dep tanylǵan tulǵalardyń ortasha jasy 40 jasty quraıdy. Búgіnde bankrotqa ushyraǵandardyń eń jasy 1 mıllıon teńgeden astam qaryzy bar Qyzylorda oblysynyń turǵyny, ol 23 jasta. Al eń qart bankrot bolǵan azamat Mańǵystaý oblysynyń 65 jastaǵy turǵyny boldy, onyń 3 mıllıon teńgeden astam qaryzy esepten shyǵarylady.
Bul azamattar aýyr qaryzdan qutyldy.
Degenmen bul rásіmnіń kelesі saldary bar – bes jyl іshіnde jańa nesıe alýǵa tyıym salynǵan jáne mundaı azamattardyń ústіnen úsh jyl boıy qarjylyq monıtorıng júrgіzіledі.