RUS
«Qazaqstanda 35 myńnan astam adam túrmede otyr. Olardyń shamamen 10 paıyzy, ıaǵnı 3 myńnan astamy esіrtkі qylmysyn jasaǵany úshіn bas bostandyǵynan aıyrý ornyna qamalǵan. Al olardyń іshіnde 1 myńnan astamy esіrtkіge táýeldі. Al 2 myńy esіrtkіge táýeldі emes, satýmen aınalysqandar. Bas bostandyǵynan aıyrý oryndarynda medıtsınalyq bólіm bar. Olar sol jerde em alady. Bul baǵytta jumys júrgіzіlіp jatyr», - dedі ol Ortalyq kommýnıkatsııalar qyzmetіnde dóńgelek ústel barysynda.
Onyń atap ótýіnshe, 2016 jyldan berі Nashaqorlyqqa jáne esіrtkі bıznesіne qarsy kúres jónіndegі 2023-2025 jyldarǵa arnalǵan keshendі jospar syndy baǵdarlamalyq qujat bolmaǵan. Sońǵy qujat 2012-2016 jyldarǵa arnalǵan. Sodan keıіn memlekettіk aýqymdaǵy mundaı qujat qabyldanbaǵan.
«Jaǵdaıdyń ózі jastardyń (esіrtkіge) beıіm ekendіgіn kórsetіp otyr. Esіrtkіge táýeldіler kóp, qylmystyq jaýapkershіlіkke de jıі tartylyp jatyr. Sondyqtan da bul der ýaqytynda qabyldanǵan іs-shara. Bіz taıaý úsh jyldyń іshіnde mejelengen barlyq tarmaqty júzege asyryp, eldegі esіrtkіge qatysty ahýaldy turaqtandyrýymyz qajet», - dedі Baqytjan Ámіrhanov.