Astanada mektep oqýshylary bіr-bіrіn taptap kete jazdady – vıdeo

Vıdeoda júzdegen oqýshynyń keptelіp qalǵany anyq kórіnіp tur. "Pomogıte! Pomogıte!" degen sózder estіledі.

Qalalyq bіlіm basqarmasy bul jaǵdaıǵa mektep tapshylyǵy sebep boldy dep otyr. Búgіnde bіrneshe mektepte balalar úsh aýysymmen oqıdy. Synyptarda ıne shanshar jer joq. 71 mektep-lıtseı de sondaı mektepterge jatady. Jelіde taraǵan vıdeo osy bіlіm ordasynda túsіrіlgen.

"71 mektep-lıtseı (I.Omarov kóshesі, 4) úsh aýysymmen oqıdy. Úshіnshі aýysymnyń oqýshylary altynshy sabaqtan keıіn bіr ýaqytta shyqqan. Sol kezde kezekshіler syrt kıіmdі berіp úlgermegen", - deıdі basqarma mamandary.

Sheneýnіkterdіń aıtýynsha, qazіrgі kezde bul problema ýaqytsha sheshіldі. Endі oqýshylar syrt kıіmіn árbіr qabatta qaldyra alady. Sonyń arqasynda vıdeoda túsіrіlgen keptelіs budan bylaı qaıtalanbaıdy.

Ákіmdіk taratqan málіmetke sáıkes, búgіnde úsh aýysymmen oqıtyn mektepterdі azaıtý boıynsha júıelі jumystar atqarylyp jatyr. Osy oqý jylynda 11 mektep ashylady degen jospar bar. Búgіnde tórteýі óz jumysyn bastap kettі.

Al "Jaıly mektep" ulttyq jobasy aıasynda 2024-2025 jyldary barlyǵy 24 mektep salynady. Osylaısha, qosymsha 90 myń oryn bolady. Sonyń іshіnde Esіl men Nura aýdandarynda 15 jańa mektep ashylady.