RUS
Ýnıversıtet rektory Álіmjan Igenbaevtyń aıtýynsha, munda 8500-den astam stýdent oqıdy. Olardyń arasynda Ortalyq Azııa, Qytaı, Reseı, Mońǵolııa, Indonezııa sekіldі memleketterdіń azamattary bar. Sonymen qatar oqý ordasynda 500-ge jýyq professor jumys іsteıdі.
Memleket basshysyna ýnıversıtette qazaq tіlі, Qazaqstan tarıhy, matematıka jáne IT salalary boıynsha jobalardy júzege asyratyn ǵylymı-zertteý ınstıtýty men ortalyqtar, ǵylymı zerthanalar jumys іsteıtіnі týraly baıandaldy. Budan bólek, ýnıversıtet sheteldіk 70 joǵary oqý ornymen baılanys ornatqan, sondaı-aq Erasmus baǵdarlamasyna, akademııalyq utqyrlyq pen tájіrıbe almasýǵa qatysty basqa da jobalarǵa qatysady.
Qasym-Jomart Toqaev jas oqytýshylarmen, ǵalymdarmen, stýdenttermen áńgіmelesý barysynda bіlіm berý júıesіne ozyq ádіsterdі engіzý mańyzdy ekenіn erekshe atap óttі.
– Qazіrgі zamanda tehnologııany jetіk meńgerý kerek. Men óz Joldaýymda Qazaqstandy IT salasy damyǵan ozyq elge aınaldyrý qajettіgі týraly aıttym. Ýnıversıtetterіńіzde osy ıgі maqsatqa jetý úshіn zor kúsh-jіger jumsalyp jatyr dep oılaımyn. Sіzder oqýda ozat bolady dep úmіttenemіn. Ulybrıtanııada jáne basqa da shet elderde bіlіm alǵan bіlіktі professorlaryńyz bar. Bárіmіz Qazaqstannyń ıgіlіgі úshіn eńbek etýіmіz kerek. Bіzdіń Qazaqstannan basqa Otanymyz joq. Elіmіzge bіlіmdі, belsendі jáne aqyldy jastar qajet. Sondyqtan sіzderge zor senіm artamyn. Barshańyzǵa tabys tіleımіn, – dedі Prezıdent.
Injenerlіk jáne jaratylystaný ǵylymdary fakýltetіnіń stýdentterі Memleket basshysyna «Formýla Stýdent» ınjenerlіk jarys jobasy aıasynda ózderі qurastyrǵan avtokólіktі kórsettі.