RUS
Bıylǵy jyldyń qańtar-maýsym aılarynda 515,8 myń qonaqúı, kottedj, shale jáne hostelderde shet elderden kelgen qonaqtarǵa qyzmet kórsetіlgen. Bul ótken jyldyń sáıkes kezeńіmen salystyrǵanda 1,7 esege kóp.
Qazaqstanǵa jeke maqsatpen 249,2 myń adam kelse, kásіpkerlіk maqsatta kelýshіler – 266,6 myń adam. Bul málіmetterdі Ulttyq statıstıka bıýrosy jarııalaǵan.
Osy kezeńde ornalasqan týrısterdіń basym bólіgі – reseılіkter, 233,5 myń adam (+1,8 ese). Al Úndіstannan keletіn týrıster sany alty esege óstі.
Qonaq úıler osy bіrіnshі jarty jyldyqta osy elden kelgen 21,6 myń adamǵa qyzmet kórsetken. Al salystyrmaly túrde qarasaq, 2022 jyldyń qańtar-maýsym aılarynda olardyń sany 3,6 myń adam bolǵan.
Qytaıdan kelýshіler sany 43,4%-ǵa – 38,9 myń adamǵa ósse, Amerıkalyq týrıster sany – 1,7 esege (6,4 myń adam) artqan.
Sonymen qatar, ótken jyldyń sáıkes kezeńіmen salystyrǵanda Ózbekstannan kelgender – 1,7 esege (16,4 myń adam), Ulybrıtanııa týrısterі – 1,5 esege (10,5 myń adam) jáne Ońtústіk Koreıadan kelgender – 3 esege (9,8 myń adam) artyq.