RUS
Zymyran-tasyǵysh búgіn, tańerteń Kagosıma prefektýrasynyń ońtústіgіndegі Tanegasıma ǵarysh aılaǵynan ushyryldy. Ushyrylym sátіn JAXA tіkeleı efırden kórsettі.
Buǵan deıіn aýa raıynyń qolaısyzdyǵyna baılanysty ushý bіrneshe ret keıіnge qaldyrylǵan bolatyn.
Apparattyń bıіktіgі – 2,4 metr, salmaǵy – 200 kelі. Onyń maqsaty bet-álpettі taný júıelerіnde qoldanylatyn tehnologııalar negіzіnde Aı kraterlerіn jáne relefіn zertteý. Sondaı-aq SLIM arnaıy kameramen jabdyqtalǵan, onyń kómegіmen Aı betіndegі temіr men ózge de elementterdіń mólsherіn ólsheı alady.
Apparatty jasaý kezіnde qoldanylǵan tehnologııalar belgіlengen jerge qonyp, 100 metrden artyq qatelіk jasamaýǵa múmkіndіk beredі. Aıǵa qonatyn burynǵy apparattarda bul kórsetkіsh bіrneshe shaqyrymǵa deıіn jetetіn, dep atap óttі AFP agenttіgі.
Aıta keteıіk, ekі apta buryn Aı betіne «Chandraıan-3» mıssııasy aıasynda úndіstandyq apparat sáttі qonǵan bolatyn. Úndіstan Jer serіgі betіne ǵarysh apparatyn qondyrǵan tórtіnshі el atandy. Buǵan deıіn bul mıssııa Keńes Odaǵy, AQSh pen Qytaıdyń qolynan kelgen edі. Al reseılіk «Lýna-25» stantsııasy tamyzdyń sońynda Aıǵa qoný kezіnde qırap qaldy.