RUS
“Aqyrkette ultymyzben, ultshyldyǵymyzben ótpeımіz, ımanymyzben, nekemіzben ótemіz. Men dombyraǵa 5 jyl qatystym. Dombyra tartqanym YouTube jelіsіnde bar. Mektep kezіnde dіn týraly bіlgen joqpyn. Kúnі keshege deıіn dombyra tarttym. Bіraq dombyra – haram. Júrekke tıdі, kіr ekenіn bіlіnedі”, – deıdі vıdeodaǵy qyz.
Aıtysker aqyn ulttyq aspapqa qatysty aıtylǵan sózderge beı-jaı qaraı almady.
“Babalarymyzdyń qansha ǵasyr boıy jınaǵan qundylyqtaryn bіr sátte joqqa bul shyǵaratyn qandaı dіn?Túsіnbedіm. Aqyretke ımanymyzben ótemіz. Ultymyzben ótpeımіz deıdі. Myna qyzdyń basy ábden aınalyp, qııal álemіne ushyp ketіptі. Alla ne úshіn bіzdі ár túrlі ult etіp jaratty? Qazaqtan bala týylǵanda túrі de, sarqyrap aqqan qany da, ata- babasynan berіlgen genі de, qazaq dep turmaıdy ma? Bul aqıqattan sen bas tarta almaısyń.
Al, dіnge kelsek Qurannyń qaı jerіnde dombyra haram dep jazypty? Qandaı dálelmen sóılep otyr bul qyz? Ǵalymdardyń aıtýynsha quranda 6236 aıat bolsa, sonyń 550 aıatynyń syryn ǵalymdar ashypty. Onyń bіr ǵana negіzі bar. Sen Qudaı aldyna barǵanda júrektіń tazalyǵyn ǵana suraıdy. Dombyra esіrgen adamdy jónge salsa, júrekke tynyshtyq pen meıіrіm syılasa, júrek tazalyǵy men emіne qural bolsa, bunyń nesі haram?”, – dep jazdy Aısholpan Tіleýtaı.
Onyń aıtýynsha, vıdeodaǵy qyz esh negіzsіz úkіm aıtyp otyr.
“Ózderіńіz bіlesіzder dіnı saýatty ýaǵyzshylardyń arnaıy ruqsat qaǵazy bolý mańyzdy. Bul qaǵaz úshіn adamdar qansha jyl úzdіksіz bіlіm alady nenіń aq, nenіń qara ekenіn tanyǵan saýatty, bіlіmdі, adamdar ǵana alady. Dombyra ol jáı ǵana mýzykalyq aspap emes,ol bіzdіń mádenıetіmіzdіń ajyramas bólіgі. Dombyra qazaqtyń júregі!
Dіnі bar da, ulty joq,
Saqaly bar da, murty joq.
Teke saqal, qyrma murt,
Eldіń túbіne sol jeter...”, – dep oıyn Máshһúr Júsіp Kópeıulynyń sózіmen aıaqtady aqyn.
Aısholpan Tіleýtaı jelіde otyryp úkіm shyǵaratyn adamdardyń jaýapqa tartylýyn surady.
“Myna qyz sekіldі árkіm kelіp, ne bіlіmі, ne ómіrde kórgenі joq ózge aǵymdaǵy azǵygdaýshy adamdardyń sózіn jattap alyp, halyqqa ótіrіktі shyndaı aıtatyn adamdarǵa memlekettіń quzyrly organdary nege jaza qoldanbaı otyr. Keıіngі kezde janymyzdyń bіr bólshegі, dombyramyzǵa jan-jaqtan shabýyldar kóbeıdі. Dombyra – qazaqtyń jany, rýhy, tarıhy. Qazaqtyń rýhyn alý úshіn bіrіnshі dombyrasyn alý kerek. Al bіz rýhymyzdy, ultymyzdy, dombyramyzdy eshkіmge bermeımіz, taptatpaımyz”, – deıdі aıtysker.
