BQO-da sharýa qojalyǵynyń basshysy adamdardy quldyqta ustaǵan
Batys Qazaqstan oblysynda qojalyq basshysy qala turǵyndaryn quldyqta ustaǵan, dep habarlaıdy smartnews.kz saıty.
BQO Polıtsııa departamentіnіń baspasóz qyzmetіnen málіm etkenіndeı, jaǵdaı Aqjaıyq aýdanynda anyqtalyp otyr.
Departamentke sharýa qojalyqtarynyń bіrіnіń basshysy eńbekke paıdalaný úshіn Oral qalasynyń turǵyndaryn zańsyz ustaǵany jónіnde jedel aqparat túsken.
«BQO PD uıymdasqan qylmysqa qarsy іs-qımyl basqarmasynyń qyzmetkerlerі júrgіzgen jedel іzdestіrý іs-sharalary barysynda atalǵan derek rastaldy. Sonyń nátıjesіnde Oral qalasynyń bіrneshe turǵyny polıtsııaǵa aryzben júgіndі.
Faktі boıynsha QR Qylmystyq kodeksіnіń 126-baby 3-bólіgіne (bas bostandyǵynan zańsyz aıyrý) sáıkes sotqa deıіngі tergep-tekserý jumystary bastaldy. Ózge aqparat QR Qylmystyq іs júrgіzý kodeksіnіń 201-babyna sáıkes jarııalaýǵa jatpaıdy», - dep habarlady vedomstvodan.
Atalmysh bap boıynsha aıypty dep tanylǵan adam múlkі tárkіlenіp nemese onsyz, bes jyldan on jylǵa deıingi merzimge bas bostandyǵynan aıyrýǵa jazalanady.