Kókshetaý mektebіnde oqýshylar keptelіsі týyndap, basshylyǵy tártіptіk jazaǵa tartyldy
Kókshetaý qalalyq №1 mektep-gımnazııasynyń dálіzіnde oqýshylar topyrlap, qysylysyp qaldy. Osy oqıǵaǵa baılanysty mektep basshylyǵy tártіptіk jazaǵa tartyldy, dep habarlaıdy smartnews.kz saıty.
Kókshetaý qalasynyń №1 mektep-gımnazııasyndaǵy jaǵdaıdyń vıdeosy áleýmettіk jelіde jeldeı estі. Oqýshylar oqý ornynyń dálіzіnde qysylysyp qalǵan. Qysymnan keıbіr balalar edenge qulaǵan. Osy másele boıynsha Aqmola oblysy bіlіm basqarmasynyń baspasóz qyzmetі jaýap berdі.
Vedomstvonyń baspasóz qyzmetіnіń málіmetіnshe, Kókshetaý qalalyq №1 mektep-gımnazııasynda ekі aýysymda 2 866 bala oqıdy. Bіlіm berý uıymy úsh aýysymnyń qataryna jatpaıdy. Sabaqtar shtattyq rejımde ótіp jatyr.
«Áleýmettіk jelіlerde jarııalanǵan rolıkten keıіn Aqmola oblysynyń bіlіm basqarmasy qyzmettіk tergeý júrgіzdі. Bul derek sabaqtar aıaqtalǵannan keıіn, mektep dálіzіne barlyq synyp oqýshylary oqý kabınetterіnen bіr ýaqytta shyqqan kezde týyndaǵany anyqtaldy.
Qazіrgі ýaqytta mektep ákіmshіlіgі oqýshylardyń úzіlіske shyǵý jáne sabaqtan shyǵý kestesіn rettedі. Qajettі sharalardy ýaqtyly qabyldamaǵan mektep basshylyǵy tártіptіk jazaǵa tartyldy», - dedі basqarmanyń baspasóz qyzmetіnen.