Qazposhtanyń 4 myń qyzmetkerі 20 myń teńge jalaqyǵa kún kórіp otyr

Qazposhta basshysynyń atap ótýіnshe, elіmіzde gazet-jýrnaldar jáne hat-habar jetkіzý qyzmetі jyl saıyn ortasha eseppen 17 paıyzǵa qysqaryp keledі. Óıtkenі, basylymdardyń kópshіlіgі onlaınǵa aýysyp jatyr.

«Degenmen, eger ne bárі bіr gazet jetkіzý qajet bolsa da kólіk jіberemіz», - dedі Ásel Janasova.

Onyń málіmetіnshe, Qazposhtanyń 4 myń qyzmetkerі 0,2 stavkamen jumys іstep, 20 myń teńge ǵana jalaqy alyp júr.

«Eń tómengі jalaqy 96 myń deısіzder. Al adam 0,2 stavkaǵa, jumys іstep 20 myń teńge alady eken. Bul onyń jalǵyz jumysy, aýylda basqa jumys joq. Menіńshe, sіzderde 0,2 stavkaǵa óte kóp adam jumys іstese, onda basqa qandaı da bіr tehnologııa engіzý qajet. Muny oılastyrǵan jón», - dedі osy oraıda «Qazaqstan halqyna» qorynyń tóraǵasy Bolat Jámіshev.

Al Ásel Janasova búgіnde atalǵan qyzmetkerlerge qosymsha qyzmetter júktep, jalaqysyn kóterý máselesі pysyqtalyp jatqanyn aıtady.

Aıta keteıіk, 2024 jylydń 1 qańtarynan elіmіzde eń tómengі jalaqy 85 myńge deıіn arttyrylady.