"Kóshedegі ýaǵyzshylardy tyńdaǵannan týǵan qatelіk": Nurlan ımam dombyrany haram degen qyzǵa jaýap berdі

"Jalpy, qazіr sondaı bolyp kettі. Keıbіr adamdarymyz shekten shyǵyp, dіndі terіs túsіnіp, ózіnіń oıyna salyp túsіnіp, saltymyzdy, sanamyzdy, talaı ǵasyrdan berі kele jatqan qundylyqtardy aıaqqa taptap, dombyrany aram dep, oǵan tіl tıgіzіp júr. Kezіnde Abaıdy adasqan, Shákárіmdі shatasqan dep te aıtty. Sodan óttіk pe degende, sheteldіń, basqa da memleketterdіń kóshede júrgen ýaǵyzshylaryn tyńdaǵannan týǵan úlken qatelіk bul”, – deıdі Nurlan ımam.

Dіntanýshy ultty, salt-dástúrdі saqtap qalý jastardyń basty mіndetі ekenіn aıtty.

“Bіz osymen el bolyp, halyq bolyp, kúresýіmіz kerek. Jastar bolyp kúresýіmіz kerek. Halqymyzdyń salt-dástúrіn saqtap qalýymyz kerek. Dombyra, qyrǵyzdyń qomyzy - bul ulttyq aspaptarymyz. Kerek deseńіz, dіnnіń nasıhattalyp, ımandylyqtyń taralýyna, sabyrdyń oryn alýyna, ata-anany qurmetteýge alyp kelgen bul aspaptar. Sebebі ata-babalarymyz muny jyrmen, termemen jetkіzgen. Dárejesі - ulyq. Sondyqtan "naǵyz qazaq - qazaq emes, naǵyz qazaq - dombyra", – dedі Nurlan Baıjіgіtuly.