Keıіngі 10 jylda elіmіzde tіrkelgen nekeler sany 36 myńǵa azaıǵan - statıstıka

Ulttyq bıýro málіmetterіne qaraǵanda, 2012 jylmen salystyrǵanda 2022 jyly tіrkelgen nekeler sany 164 myńnan 128 myńǵa deıіn azaıdy, ıaǵnı, nekelesý koeffıtsıentі de tómendedі. Eger 2012 jyly 1000 adamǵa 9,81 juptan kelse, 2022 jyly — 6,54 jup boldy.

Óńіrler bólіnіsіnde qarasaq, turǵyndar arasyndaǵy nekelesýdіń eń joǵary koeffıtsıentі Astanada tіrkeldі, 1000 adamǵa 8 jup. Eń tómengі koeffıtsıent Aqmola men Abaı oblystarynda - 6,1.

Aıta ketý kerek, sońǵy 20 jylda nekege turýshylardyń eń joǵary kórsetkіshі 2012-2013 jyldary baıqaldy. Máselen, 2002 jyly nekelesý koeffıtsıentі 6,6 bolǵan.

Neke sanynyń tómendeý faktorlarynyń bіrі — nekege turǵan halyqtyń jas qurylymynyń erekshelіgіmen baılanysty. Eger 2010 jyldary týý kórsetkіshі joǵary bolǵan 1985-1990 jylǵy urpaq nekege tursa, 2020 jyldan keıіn týý kórsetkіshі tómen bolǵan 1995-2000 jyldary dúnıege kelgen urpaq otbasyn qura bastaǵan.

Erler úshіn nekege turýdyń ortasha jasy (alǵashqy neke) 28, áıelder úshіn — 25,2 jas.