Quqyq qorǵaýshy: Qaırat Satybaldyǵa túrmede VIP-jaǵdaılar jasalǵany ótіrіk
«Bіz azaptaýǵa qarsymyz» qoǵamdyq uıymy basshysynyń orynbasary Baýyrjan Mýsın Óskemendegі quqyq qorǵaý organdarynyń burynǵy qyzmetkerlerіne arnalǵan №22 qylmystyq-atqarý mekemesіne baryp, Qaırat Satybaldynyń qandaı jaǵdaıda otyrǵanyn kórіp qaıtqanyn aıtady, dep habarlaıdy smartnews.kz saıty.
«Ol mekemede Qaırat Satbaldy otyr. Oǵan VIP-jaǵdaılar jasalǵany týraly ósek aıtylyp jatady ǵoı, sonyń ras-ótіrіgіn bіlgіm keldі. Ol da ózgeler sııaqty jazasyn ótep jatyr», - dedі Baýyrjan Mýsın.
Onyń aıtýynsha, Qaırat Satybaldy ózge sottalýshylarǵa qaraǵanda qatań baqylaýda.
«Oǵan eshqandaı artyq jaǵdaı jasalmaǵan. Men onyń tártіpke saı júrgenіn kórіp, osynyń bárіn bіz kelgendіkten ádeıі іstep otyrsyz ba», - dep suradym. «Bul menіń tańdaýym» dep jaýap berdі. IAǵnı ol zańdy berіk saqtap otyr», -dedі quqyqqorǵaýshy.