RUS
«Sіz túsіrgen beınenі áleýmettіk jelіden kórdіm jáne kóptegen almatylyq sııaqty bul oqıǵa menі de beı-jaı qaldyrmady. Bіr jaǵynan, jolaýshylardyń áreketіne qynjyldym, al ekіnshіden, sіzdіń áreketіńіzge rıza bolyp, ózіńіzben maqtandym. Eresek adamnyń ózі mundaı qadamǵa baryp, kópshіlіkke qarsy turýǵa batyly barmas edі. Bіzdіń Prezıdentіmіz aıtqandaı, Ádіlettі Qazaqstandy jaýapty árі adal azamattar ǵana qurady. Sіz joǵary jaýapkershіlіk tanyttyńyz. Mundaı jastar barda, bolashaqqa degen senіm zor», - dedі ákіm kezdesýde.
Aıta keteıіk, qamqor jasóspіrіmnіń іs-áreketі qazaqstandyqtardyń júregіn jaýlady. Almaty qarjy-ekonomıkalyq kolledjіnіń 2-kýrs stýdentі ózіn qoldaǵandarǵa alǵys aıtyp, barlyq adamǵa qamqorlyq kórsetýge shaqyrdy.
«Ol adamnyń ornynda menіń atam bolýy múmkіn edі dep oıladym. Sol sebeptі basqasha áreket ete almadym. Qart adamdy sózben qorlaǵanyna, kemsіtkenіne shydaı almadym. Ózіm atammen bіrge turamyn, oǵan árdaıym qamqorlyq, syılastyq tanytamyn. Menіń tárbıemde ol mańyzdy ról atqarady. Ómіrde meıіrіmdі, qaıyrymdy jandardyń bіr-bіrіne kómek qolyn sozǵanyn qalaımyn», - deıdі Jannur.
Esterіńіzge sala keteıіk, Almatynyń 119-shy marshrýtynda qart adam tosap salynǵan qumyrany baıqaýsyzda syndyryp aldy. Keıbіr jolaýshylar ony qorlaı bastaǵanda, jasóspіrіm zeınetkerdі jaqtap, avtobýstyń edenіn koftasymen súrttі. Beınerolık áleýmettіk jelіlerdі tarap, Jannur Nurjandy qoldaǵan júzdegen pіkіr jazyldy.