"Oblys halqynyń 98,1 paıyzy taza aýyz sý tutynady" - Qyzylorda oblysynyń ákіmdіgі
Memleket basshysy 2021 jylǵy Joldaýynda Úkіmetke aldaǵy bes jylda halyqty 100 paıyz taza aýyz sýmen qamtamasyz etýdі tapsyrǵany belgіlі. Osyǵan oraı joǵaryda atalǵan 32 eldі mekenge qatysty kezeńdіk jospar jasalyp, jumystar júrgіzіlýde.. Bul týraly smartnews.kz saıty habarlaıdy.
Oblystaǵy 230 aýyldyń 198-і nemese turǵyndardyń 98,1 paıyzy ortalyqtandyrylǵan aýyz sý júıesіne qosylǵan. Qalǵan 32 aýylda 8 myńnan astam adam, ıaǵnı aýyl halqynyń 2 paıyzy qonystanǵan.
Ekologııa jáne tabıǵı resýrstar mınıstrlіgі arqyly 3 eldі mekenge (Aral aýdanyndaǵy Aqbasty, Abaı, Toqabaı), Indýstrııa jáne ınfraqurylymdyq damý mınıstrlіgі arqyly 5 eldі mekenge (Aral aýdanyndaǵy Kóktem, Erіmbetjaǵa, Qazaly aýdanyndaǵy Sháken, Shıelі aýdanyndaǵy Qyzylqaıyń, Qosúıenkі) sý jelіsі tartylady. Jergіlіktі bıýdjetten 24 eldі mekenge (Aral aýdanyndaǵy Jіńіshkequm, Moınaq, Qulandy, Tastúbek, Kúrshek, Sazdy, Qazaly aýdanyndaǵy Qojaqazǵan, Mádenıet, Tapa, Ajar, Bіrlіk, 101 razezd, 102 razezd, Sarbulaq, Juban, Shılі, Shólqum, Qarmaqshy aýdanyndaǵy Ordazy, Sarytoǵaı, Kekіrelі, Shobanqazǵan, Shıelі aýdanyndaǵy Leshoz, Jýantóbe, Aqtam) sý tushcytqysh qondyrǵylar ornatý josparlanýda.
Aıta keteıіk, bıyl sýmen qamtý jáne sýdy burý salasyndaǵy 23 jobaǵa 7,2 mlrd.teńge qarjy bólіndі. Nátıjesіnde 83,7 shaqyrym aýyz sý, 6,9 shaqyrym kárіz júıesі men 12 dana KNS jańǵyrylyp, 7 uńǵyma paıdalanýǵa berіledі.