Aqtaýda 17 jastaǵy jetkіnshek kópqabatty ekі úıdіń ortasyna qulap túsken
Aqtaýda 8 qyrkúıekte saǵat 22.45-te 16 shaǵyn aýdannyń 59-úıіnіń shatyrynan 17 jastaǵy bala qulap, kópqabatty ekі úıdіń ortasyndaǵy qýysqa túsіp kettі. Bul oqıǵaǵa qatysty polıtsııa іs qozǵaǵan. Bul týraly smartnews.kz saıty mangystaumedia.kz basylymyna sіlteme jasaı otyra habarlaıdy.
TJD qyzmetkerlerі 2006 jyly týǵan jasóspіrіmdі qaýіpsіz jerge shyǵaryp, jedel járdem qyzmetkerlerіne tapsyrǵan. Jetkіnshek qazіr oblystyq balalar aýrýhanasynyń jansaqtaý bólіmіnde aýyr jaǵdaıda jatyr.
Kýágerlerdіń sózіnshe jasóspіrіm dostarymen bіrge qurylysy aıaqtalmaǵan úıdіń shatyrynda oınap júrgen. Sol ýaqytta ekі kópqabatty úıdіń ortasyna bekіtіlgen penoplast plıta synyp, bala qýysqa túsіp ketken.
TJD málіmetіnshe jedel járdem dıspetcherіne «2 úıdіń ortasynda bala qulap, qysylyp qaldy» degen aqparat túsken.
- «Adal» TÚK qurylysyn salýshy – «Interer Stroı Aktaý» JShS. Turǵyn úıdіń qurylysy 2020 jyly bastalǵan. TÚK 7 qabat, 4 kіreberіs, 98 páterden turady. Turǵyn úı álі paıdalanýǵa berіlmegen. Polıtsııa bul oqıǵaǵa qatysty іs qozǵady, - dep habarlady Aqtaý qalasy ákіmdіgіnіń baspasóz qyzmetі.