RUS
Ekі kúnge josparlanǵan (9-10 qyrkúıek kúnderі) sharada túrlі ónіmder naryqtaǵy baǵadan 10-20 paıyzǵa tómen ótkerіlýde.
Jármeńke Astana qalasy Táýelsіzdіk dańǵyly №50, Shabyt saraıynyń alańynda uıymdastyrylǵan. Munda Taraz qalasy men oblystyń 10 aýdany jáne 2019 jyly bastaý alǵan «Jambyl oblysy turǵyndarynyń turmystyq tabysyn jaqsartý» pılottyq jobasy aıasynda qurylǵan aýyl sharýashylyǵy taýar óndіrýshі kooperatıvterі men óz kásіbіn ashqan jeke kásіpkerler 168,6 mln. Teńgenі quraıtyn 298,8 tonna aýyl sharýashylyǵy ónіmіn ákelgen.
Atap aıtqanda, 33 tonna et ónіmderі (jylqy, sıyr, qoı etі), 3,2 tonna taýyq etі, 4,0 tonna shujyq ónіmderі, 14,0 tonna sút ónіmderі, 6 myń dana jumyrtqa, 1,0 tonna kondıterlіk ónіmder, 3,4 tonna makaron ónіmderі, 10,0 tonna balyq, 5,0 tonna bal, 208 tonnadan astam kókónіs-baqsha jáne jemіs-jıdek ónіmderі bar.
Jármeńkege oblys ákіmі Erbol Qarashókeev arnaıy qatysyp, taýarlardyń túrlerі jáne baǵasyn baqylady.
Jármeńke barysynda jergіlіktі turǵyndar úshіn uıymdastyrylǵan Jambyl aýdandyq mádenıet úıі ónerpazdarynyń kontserttіk baǵdarlamasy kópshіlіkke merekelіk kóńіl-kúı syılady.
Eske sala keteıіk, jármeńke 10 qyrkúıek kúnі de jalǵasady.