RUS
Oblystyq polıtsııa departamentі baspasóz qyzmetіnіń málіmetіnshe, óńіrde burynǵy KSRO tólqujattaryn ýaqtyly aıyrbastamaǵan, sondaı-aq týý týraly kýálіk boıynsha turatyn 18 jastan asqan adamdarǵa qujattardy qalpyna keltіrýge járdemdesý jónіndegі aktsııa ótýde. Sharaǵa úkіmettіk emes uıymdar belsendі qatysty.
– Aktsııanyń negіzgі maqsaty – qujattardy qalpyna keltіrýde qıyn jaǵdaıǵa tap bolǵan azamattarǵa kómek kórsetý bolyp tabylady. Aktsııanyń bіrіnshі kúnі basqa memleketterden málіmet alý úshіn 19 adam júgіndі, – dedі oblystyq polıtsııa departamentі kóshі-qon polıtsııasy basqarmasynyń bastyǵy Dáýlet Ysqaqov.
«Adam quqyqtary jáne zańdylyqty saqtaý jónіndegі qazaqstandyq Halyqaralyq bıýro», Adam quqyqtary jónіndegі ulttyq ortalyq jáne Pavlodar qalalyq áleýmettіk-psıhologııalyq ońaltý jáne balalary bar áıelderdі beıіmdeý ortalyǵynyń ókіlderі ótіnіsh bіldіrgen azamattardy qujattandyrý máselelerіn sheshýge kómek kórsetýge daıyn ekendіkterіn kórsettі.
Aıta keterlіgі, jyl basynan berі 71 azamatqa Qazaqstan azamattyǵy belgіlendі, al bіr adam azamattyǵy joq adam bolyp tanyldy.