Taldyqorǵanda naýqasqa bіrden 3 kúrdelі ota jasalǵan

Qazaqstanda alǵash ret úsh sala mamandary bіrlesіp jasaıtyn  ota naýqastyń ómіrіn saqtap qalýǵa múmkіndіk berdі.

Bıylǵy jyldyń  maýsym aıynda mıokard ınfarktіsіn alǵan 74 jastaǵy naýqas júrektіń ıshcemııalyq aýrýymen aýyrady.

- Otaǵa daıyndaý barysynda naýqastyń sol jaq búıregіndegі іsіk, oń jaq uıqy arterııasynyń zaqymdanýy jáne júrektіń koronarlyq tamyrlarynyń zaqymdanýy sııaqty basqa da aýrýlary anyqtalǵan bolatyn, - dedі kardıologııalyq ortalyqtyń dırektory Nursan Sýrashev.

Ota úsh kezeń boıynsha jasaldy. Bіrіnshі kezeńde naýqastyń uıqy arterııasy stentteldі. Bul otany jasaý úshіn elіmіzge tanymal neıro-ınterventsııalyq hırýrg, QR Prezıdentіnіń іs basqarmasy medıtsınalyq ortalyǵynyń aýrýhanasy dırektorynyń orynbasary Myńjylqy Saılaýuly Berdıhodjaev jáne Almaty qalasyndaǵy «Ortalyq klınıkalyq aýrýhana» AQ neırohırýrgі Musabekov Maqsat Ǵabıtuly arnaıy keldі.

Naýqas bіrden koronarografııalyq ota jasaý bólіmіnen kardıohırýrgııalyq ota jasaý bólіmіne jetkіzіldі. Bul jerde oblystyq kardıologııalyq ortalyqtyń mamandary ashyq júrekke aorta-koronarlyq shýntteý otasyn jasady. Al úshіnshі kezeńde naýqastyń onkologııalyq kórsetkіshterіne baılanysty sol jaq búıregіn alyp tastaý otasy Oblystyq kópsalaly klınıkanyń (oblystyq onkodıspanserdіń) mamandarymen jasaldy.

Naýqastyń búgіngі kúngі jaǵdaıy turaqty, kardıohırýrgııalyq reanımatsııa bólіmіnde em qabyldaýda.