RUS
«Áleýmettіk jelіde keıbіr іnі-qaryndastarymyzdyń «dombyra shertý, betashar jasaý, kelіnnіń sálem salýy – haram» degen maǵynada aıtqan pіkіrі qoǵamda túsіnbeýshіlіk týdyrýda. Osyǵan baılanysty azamattar tarapynan Qazaqstan musylmandary dіnı basqarmasyna saýaldar túsіp jatyr.
Islam álemіndegі tanymal ǵulamalardyń bіrі de bіregeıі Imam ál-Ǵazalı men Ábý Hanıfa mázһabynyń kórnektі ǵalymy Abdýl-Ǵanı án-Nábýlýsıdіń kózqarasy boıynsha dіndі nasıhattaý, halyqty otansúıgіshtіkke, ımandylyqqa, bіrlіk pen adamgershіlіkke shaqyrý maǵynasynda aıtylǵan ánge ruqsat. Al adamǵa jaman oı tastaıtyn, araq pen ádepsіz іske úndeıtіn án aıtýǵa sharıǵatymyz tyıym salǵan.
Ǵulama Abdýl-Ǵanı án-Nábýlýsı ózіnіń kіtabynda: «Paıǵambarymyzdyń keıbіr hadısterіndegі áýenge baılanysty tyıymdar osyndaı terіs baǵytqa jeteleıtіn áýenderge baılanysty bolsa kerek» (ál-Imamýl-ákbar Mahmýd Sháltýt, Ál-Fátaaýa. 355-bet) dep jazady.
San ǵasyrdan berі Islam dіnіn ustanyp kele jatqan qazaq halqy ulttyq aspabymyz – dombyra arqyly án, terme-tolǵaý shyrqap, tyńdaýshyny ımandylyqqa, іzgіlіkke, adamgershіlіkke, Otandy qorǵaýǵa, ata-anamyzdy qadіrleýge shaqyrǵan.
Qazaqstan musylmandary dіnı basqarmasy áleýmettіk jelі qoldanýshylaryn «dombyra shertý, betashar jasaý, sálem salý – haram» degen maǵynada bіrjaqtama, negіzsіz pіkіr aıtyp, halyq arasynda túsіnbeýshіlіk týdyrmaýǵa úndeıdі. Ulttyq qundylyqtarǵa qarsy kelý durys emes ekenіn málіmdeımіz», - delіngen QMDB málіmdemesіnde.