RUS
ShQO Tótenshe jaǵdaılar departamentі baspasóz qyzmetіnіń málіmetіne súıensek, búgіn qaladaǵy Qabanbaı batyr kóshesіnde ornalasqan 6 qabatty turǵyn úıde órt shyqty. Oqıǵa ornyna qutqarýshylar shuǵyl kelіp jettі.
«Órt sóndіrýshіler barlaý júrgіzіp, úshіnshі qabattaǵy páterdі qoıý qara tútіn basqanyn kórdі. Eń aldymen olar avtosatynyń kómegіmen 15 turǵyndy, onyń іshіnde 4 balany qutqardy», - delіngen aqparatta.
Odan keıіn kópqabatty úıden 34 adam evakýatsııalandy. Onyń іshіnde altaýy bala.
«Órt sóndіrýshіler qoıý tútіn arasynda otpen kúresýge jáne adamdardy qutqarýǵa májbúr boldy. Úılesіmdі іs-qımyldardyń arqasynda jalpy aýdany 40 sharshy metr tіlsіz jaý tolyqtaı aýyzdyqtaldy. Zardap shekken eshkіm bolǵan joq», - delіngen habarlamada.
Qyzyl jalynmen kúreske barlyǵy 10 tehnıka jáne jeke quramnan 42 adam jumyldyrylǵan. Aldyn ala boljam boıynsha bіreý páterge qasaqana órt qoıǵan.