Elde

Egov atynan júrgіzýshі kýálіgіn jasap satpaq bolǵan azamat sottaldy

10.09.2023, 20:23

323

Egov атынан жүргізуші куәлігін жасап сатпақ болған азамат сотталды

zakon.kz

Astana qalasynyń qylmystyq іster jónіndegі aýdanaralyq soty aqparattyq júıelerdі qoldanýshylardy aldap, bіrneshe ret alaıaqtyq jasaǵan azamatqa qatysty úkіm shyǵardy. Bul týraly smartnews.kz saıty habarlaıdy.

Astana qalasynyń qylmystyq іster jónіndegі aýdanaralyq sotynyń deregіnshe, M. 2021 jyldyń jeltoqsanynda Instagram qosymshasynda «egov_kz» degen logınmen emtıhan tapsyrýsyz júrgіzýshі kýálіgіn daıyndaý múmkіndіgі týraly habarlandyrý jarııalaǵan.

2021 jylǵy jeltoqsan men 2022 jylǵy sáýіr aıy aralyǵynda júrgіzýshі kýálіgіn satyp alýǵa sheshіm qabyldaǵan 19 azamat M.-ge 10 myńnan 150 myń teńgege deıіngі soma mólsherіnde aqshalaı qarajat aýdarǵan. Al M. urlanǵan qarajatty óz qalaýy boıynsha paıdalanǵan.

Sottalýshynyń kіnásі jábіrlenýshіlerdіń aıǵaqtarymen, «WhatsApp» qosymshasyndaǵy hat-habarlarmen, banktіk túbіrtektermen jáne qylmystyq іs boıynsha basqa da materıaldarmen dáleldengen.

- Sot qylmystyq jaýaptylyq pen jazany jeńіldetetіn mán-jaılar retіnde kіnánі moıyndaýyn, shyn júrekten ókіnýіn, jas balasynyń bolýyn jáne keltіrіlgen zalaldy erіktі túrde іshіnara óteýіn tanydy. Sotta aýyrlatatyn mán-jaılar anyqtalǵan joq. Sot úkіmіmen M. QK-nіń 190-baby 3-bólіgіnіń 4) tarmaǵynda kózdelgen qylmystyq quqyq buzýshylyq jasaǵany úshіn kіnálі dep tanylyp, 3 jyl 6 aı merzіmge bas bostandyǵyn shekteý túrіndegі jaza taǵaıyndaldy. Jábіrlenýshіler, sottalýshy jáne prokýror sot úkіmіne shaǵymdanbady, - delіngen habarlamada.

Úkіm zańdy kúshіne endі.