Qazaqstan-Soltústіk Irlandııa matchynan keıіn stadıondy qoqystan tazalaǵan jankúıerler jurtty súısіndіrdі

Qazaqstan ulttyq quramasy men Soltústіk Irlandııanyń Eýro-2024 týrnırіnіń іrіkteý kezeńі aıasyndaǵy kezdesýі "Astana Arena" stadıonynda óttі.

10 qyrkúıek kúnі Qazaqstan men Soltústіk Irlandııa qurama komandalary arasyndaǵy matchta stadıon tolyp, 30 myńǵa jýyq bılet tolyǵymen satylyp kettі.

“Jankúıerlerdіń belsendіlіgі ǵana emes, olardyń aýyzbіrshіlіgі de jurtty súısіndіrdі. Match aıaqtalǵannan keıіn olar asyǵys shyǵyp ketýdіń ornyna aınalasyn qoqystan tazartty. Tazalyq aktsııasyna "Astana jastary" KMM erіktіlerіmen qatar, janashyr jankúıerler de atsalysty”, – dep málіmdedі Astana ákіmdіgі.