Bala eń aldymen bіlіm alýy kerek, al dіnı senіmіn erjete kele ózі sheshedі – Balaeva

Mınıstr bul jaıynda Facebook paraqshasynda jazdy.

«Qazіr áleýmettіk jelіde mektepterde hıdjab kııý máselesіne qatysty talqy toqtar emes. Osyǵan baılanysty dіnı salaǵa jaýapty laýazymdy tulǵa retіnde, óz tarapymnan túsіnіkteme berýdі jón kórіp otyrmyn. Atazańymyzǵa sáıkes Qazaqstanda dіn memleketten bólіngen. Sóz joq, memleket dіn bostandyǵyna kepіldіk beredі. Bіraq bіz - zaıyrly elmіz! Sol úshіn de memlekettіk saıasattyń barlyq máselelerі dіnı pátýalarmen emes, azamattyq normalarmen retteledі», - dep atap óttі Aıda Balaeva.

Onyń aıtýynsha, quqyqtyq-normatıvtі aktіler árbіr oqýshyǵa mektep qabyrǵasynda arnaıy bekіtіlgen forma kııýdі mіndetteıdі.

Óıtkenі, bіlіm berý erekshelіgі bіryńǵaılyqty talap etedі.

«Al Konstıtýtsııamyz boıynsha mekteptіń mіndetі – el azamattaryna sapaly bіlіm berýge kepіldіk berý jáne ony qamtamasyz etý. Sondyqtan da, mektepte bala eń aldymen sapaly bіlіm alýy kerek. Sodan keıіn baryp, erjete kele dіnı nanym-senіmіn, qandaı kıіm úlgіsіn kıetіnіn ózі sheshedі dep oılaımyn», - dep túıіndedі mınıstr.