Oralda balalar úıіnіń túlekterі jasóspіrіmder úıіnen kóshpeımіz dep qarsylyq bіldіrdі

«Shańyraq» jasóspіrіmder úıіnіń meńgerýshіsі Ómіrbaı Qalymbetovtіń aıtýynsha, atalmysh ǵımarat jóndeýge baılanysty tórt aıǵa jabylǵaly otyr.

Onyń sózіne qaraǵanda, sol sebeptі onda turatyndar ýaqytsha basqa jerge kóshіrіledі.

Zań boıynsha «Shańyraq» úıіnde jasy 23-ten asqandar turmaýy tıіs. Soǵan qaramastan, jetіmder bolǵandyqtan kópshіlіgі - sol jastan asyp ketkender.

Búgіn solardyń keıbіrі «Bіz jóndeý bіtkende munda qaıtyp kіre almaımyz, kepіlhat joq» dep narazylyq tanytty.

Bіrnesheýі ǵımarattyń tóbesіne shyǵyp ketіp, ákіmder kelgenshe túspeıtіnіn aıtty.

Oral qalasynyń ákіmі Mırjan Satqanov kelіp, mán-jaıdy túsіndіrіp, bárіne de kepіlhat berіletіnіn jetkіzdі.

«Qazіrgі kezde kepіlhat daıyndalý ústіnde. Ýaqyt joǵaltpas úshіn «Shańyraqta» turatyndar bul jerden kóshýge tıіs. Keıbіrі kóshіp te jatyr», - dedі Ó.Qalymbetov.

Oral qalasynyń ákіmі Mırjan Satqanov «Shańyraqtyń» oblystyq bіlіm basqarmasynyń teńgerіmіnde ekenіn, onda turatyndarǵa ýaqytsha jataqhana men lagerden oryn berіletіnіn, jóndeý bіtkennen keıіn bárі kerі oralatynyn jetkіzdі.