"Mektep ájethanasynda qorlyq kórgen": Almaty oblysynda tórtіnshі synyp oqýshysy ózіne qol jumsamaq boldy (vıdeo)
Almaty oblysy Talǵar aýdany Besaǵash aýylynda tórtіnshі synyp oqıtyn bala qoshtasý hatyn jazyp, bіr qorap aspırın іshіp, jatyp qalǵan.
Balasyn mundaı jaǵdaıda kórgen anasy jedel járdem shaqyrǵan.
Almaty oblysy Talǵar aýdanynyń polıtsııa bólіmі kámeletke tolmaǵan balanyń úıіnde 10 shaqty “Atsetılsalıtsıl qyshqylyn" іshkenіn rastady.
"11 qyrkúıekte B esіmdі azamatsha Talǵar aýdandyq polıtsııa basqarmasyna ózіnіń kámeletke tolmaǵan 2013 jyly týǵan ulynyń dárі іshіp, ýlanǵany týraly aryzdanǵan. Atalǵan fakt Talǵar aýdandyq polıtsııa bólіmіnde QR QK 105-baby 3-bólіgі boıynsha tіrkeldі. Qazіrgі ýaqytta іstіń mán-jaıyn tolyq, jan-jaqty jáne obektıvtі zerdeleý úshіn saraptama taǵaıyndaı otyryp, barlyq qajettі jedel-іzdestіrý sharalary júrgіzіlýde. Osy jumystardyń nátıjelerі boıynsha túpkіlіktі protsessýaldyq sheshіm qabyldanatyn bolady", - dedі Talǵar aýdandyq polıtsııa basqarmasynyń ókіlderі.
Jelіde balanyń ájesіnіń vıdeosy tarady. Onyń sózіnshe, nemeresіn mektep ájethanasynda áldekіmder qorlaǵanyn. Shashyn qyrqyp, kóılegіn jyrtqan kórіnedі.
Buǵan deıіn Qazaqstanda balalardy zorlyq-zombylyq pen sýıtsıdten qorǵaýdyń keshendі jospary qabyldanǵany habarlanǵan bolatyn. Qujatta qazaqstandyq balalardyń quqyqtary men múddelerіn qorǵaý, olardy zorlyq-zombylyqtan qorǵaý, sýıtsıdtіń aldyn alý memlekettіk saıasattyń basym baǵyttary ekenі aıtylǵan.