Túkіrgenі úshіn elordalyqtarǵa 19 mln teńge aıyppul salyndy
Jyl basynan berі qoǵamdyq oryndarda túkіrgen astanalyqtarǵa 19 mln teńge aıyppul salyndy. Bul týraly BAQ ókіlderіnіń qatysýymen ótken brıfıngіde Astana qalalyq PD Jergіlіktі polıtsııa qyzmetі basqarmasynyń basshysy Arman Aıtmaǵambetov málіm ettі.
«Jalpyǵa ortaq paıdalanylatyn oryndardyń lastanýyna baılanysty quqyq buzýshylyqtardyń jolyn kesý boıynsha jumys júrgіzіp kelemіz. Ásіrese, qoǵamdyq oryndarda jáne kóshelerde túkіrіp jatqan azamattarǵa nazar aýdarylady. Jyl basynan berі túkіrgenі úshіn 1 200 azamatqa 19 mln teńge aıyppul salyndy. Búgіnde onyń 5 mln teńgesі nemese 28% óndіrіldі», - dedі Arman Aıtmaǵambetov BAQ ókіlderіnіń saýalyna jaýap bere otyryp.
Spıkerdіń aıtýynsha, túkіrý faktіlerі elordadaǵy bazarlardyń mańaıynda jıі tіrkeledі. Arman Aıtmaǵambetov olardyń barlyǵy beınekameralardyń kómegіmen anyqtalyp jatqanyn málіm ettі.
Aıta keteıіk, búgіnde Astana qalasynyń aýmaǵynda 14 myńnan astam kamera bar. Aldaǵy ýaqytta olardyń sanyn ulǵaıtý josparlanyp otyr.