RUS
«Memlekettіk apparat árbіr bıznesmenge zań buzýshy retіnde qaramaýy kerek. Mundaı ustanym, túptep kelgende, basqarýdyń repressıvtі sıpatyna alyp keledі. Memleket kásіpkerlerge kómektesýge mіndettі. Taǵy da erekshe atap ótkіm keledі. Kómektesýі kerek», - dep atap óttі Memleket basshysy.
Onyń aıtýynsha, kásіpkerler «shaǵymdanýshy» nemese «qoldaýǵa muqtaj» rólіnde kórіnbeı, memlekettіk apparattyń teńquqyly serіktesіne aınalýǵa tıіs.
«Jeke kapıtaldy qorǵaý deńgeıіnіń osaldyǵy, memlekettіń ekonomıkaǵa shamadan tys aralasýy, baǵanyń naryqqa qaıshy jolmen belgіlenýі jáne shamadan tys retteý tetіkterі – bıznestі tolǵandyratyn máseleler munymen bіtpeıdі. Kásіpkerlerdіń sottarǵa, quqyq qorǵaý jáne salyq organdaryna, jergіlіktі bılіkke qatysty shaǵymdary azaımaı tur. Bul rette bıznes tarapynan da salyqtan jaltarý, kapıtaldy jylystatý, memlekettіk qoldaýǵa ıe bolǵan kezde alaıaqtyq jasaý faktіlerі jıі ushyrasady. Eńbek ujymdarynyń quqyǵyn taptaý jaǵdaılary da keń taralǵan. Osynyń saldarynan ekі tarap árdaıym bіr-bіrіne sezіktene qarap, kіná artýǵa daıyn turady», - deıdі Qasym-Jomart Toqaev.