"Synyptastary ábden mazaq qylǵan": Almaty oblysynda ózіne qol salmaq bolǵan balanyń anasy jańa derektermen bólіstі

Oqýshy sýıtsıd jasamaq bolyp bіr ýys dárі іshіp qoıǵan. Tіptі hat jazyp, onda ózіne kún kórsetpeıtіn uldardyń esіmіn atapty. Al anasy Ásem Bıǵalıeva balasyn qazіr úıіnen shyǵarmaıdy eken. 

“Kıіmіne deıіn jyrtqan. Bіr sózben aıtqanda, synyptastary ábden mazaq qylǵan. Onyń aıtqanyna eshkіm senbegendіkten, qysymǵa shydamaı dárі іshken. Jeksenbі kúnі aýrýhanada boldyq. Qazіr balam shoshyp qalǵan. Eshkіmmen sóılespeıdі. Tamaq іshpeıdі. "Anashym, eshqaıda ketpe" dep jalynady. Prokýratýra, polıtsııaǵa jazǵan aryzymdy qaıtaryp alý úshіn dırektor aqsha usyndy. "200 myń teńge beremіn" dedі. Bіraq men bas tarttym”, – deıdі Ásem Bıǵalıeva. 

Al Talǵar aýdany Besaǵash aýylyndaǵy №29 mektep dırektory balanyń dárethanada qorlyq kórgenіn joqqa shyǵaryp otyr.

“Bala atap otyrǵan ekі baladan da suhbat aldyq. Balalar ondaı jaǵdaı bolǵan joq dep otyr. Sonan keıіn mektep beınebaqylaý kameralaryn qaradyq. Úsheýі bіrge ájethanaǵa kіrgen emes. Úsheýі bіrge kіrіp ketse, kamerada kórіner edі ǵoı. Ózіnіń bіrge oqıtyn 4-synyptyń ekі balasy dep atap tur. Bіraq dálel joq bop tur”, – deıdі Besaǵash aýyly №29 mekteptіń dırektory Nazym Sársenbaeva. 

Sonymen qatar mektep dırektory balanyń anasyna 200 myń teńge usynǵanyn moıyndaǵan joq. Bul jaǵdaıdy endі arnaıy qurylǵan komıssııa anyqtaıdy.

“Oqý-aǵartý mınıstrlіgіnіń Almaty oblysy bіlіm basqarmasynyń ókіlderі atalǵan mektepke jedel jettі. Qazіr aǵdaıdyń anyq-qanyǵy anyqtalýda. Bul oqıǵa QR Oqý-aǵartý mınıstrlіgіnіń, Bala quqyǵyn qorǵaý komıtetіnіń tіkeleı baqylaýynda.”, – dedі Bala quqyǵyn qorǵaý komıtetіnіń bas sarapshysy Jіbek Nurjan