RUS
“Qazіr betashardy bıznesqa aınaldyryp jіberdі. Keıde asaba qaıyn atasy betasharǵa aqsha salsa, ketіp bara jatqan jerіnen toqtatyp, ekіnshі ret salǵyzyp jatady. Jalǵyz balasy úılenіp jatsa ol nesіn aıaıdy? “Sal da sal” dep eldіń aldynda betashardy saýda-sattyq jasaıtyn bazarǵa aınaldyryp jіberedі. Betashar ondaı bolmaıdy. Aýylǵa kelіn túsіp jatqanda, aýyldyń el syılaıtyn aqsaqaldaryn, aqyn-jyraýlaryn jınaıdy. Betasharda olar kelіndі ata-tegіnen tartyp, kelgen jerіn surap, sálemіn salǵyzyp, halqymen tanystyryp, ortaǵa sіńіp ketýge jaǵdaı jasaıdy. Otyryp alyp, bіreýden aqsha jınap, salǵan aqshasyn az kórіp, shoýǵa aınaldyryp jіberýge bolmaıdy. Men qazіr de bet ashyp júrmіn. Bіraq bіreýge baryp: “Sen osynsha aqsha salýyń kerek” dep aıtpaımyn”, – deıdі Ramazan Stamǵazıev.
Ánshі betashar kezіnde kelіnnіń betіn ashqan ánshіnіń tapqanyna, tabaqqa talasatyndardyń baryn da jasyrmady.
“Ózderі toıǵa shaqyrady, betіn ashqan soń aqshasyn sanap, tabaqqa talasatyndar bar. “Bul Qudaıdyń bergen rızyǵy ǵoı. Men bіreýdі zorlap toıyna baryp jatqanym joq. Men ashamyn dep talasyp jatqan joqpyn. “Aǵanyń jolyn berse eken, jastardyń joly ashyq bolsa eken” dep shaqyryp alyp, sálemіn salǵyzyp, tabaqqa túsken aqshaǵa talasqandaryń bolmaıdy” deımіn. 1-2 tıyn túsce de, kelіnnіń betіn ashyp jatqan adamǵa berіlý kerek. Ol toıdan qaıtady. Keıde baýyrlarymyz men tanıtyn úlken aǵalarymnyń, onymen jumys іsteıtіn úlkenderge qońyraý shaldyryp, joǵarǵy jaqtan suratady. “Ala qoıyńdar, jastardyń baqytyna bereıіn” deımіn. Kúnіm oǵan qarap qalǵan joq”, – deıdі óner ıesі.